مسئلہ۷۶۰۔ سونے کی تاروں سے بنے ہوئے لباس میں مردوں کی نماز جائزنہیں ہے اوراس سے نمازباطل ہوجاتی ہے، البتہ عورتوں کے لئے کوئی اشکال نہیں ہے ۔ بشرطیکہ اسراف نہ ہو۔ نماز کے علاوہ بھی مردوں کے لئے اس لباس کا پہننا حرام ہے۔
مسئلہ۷۶۱۔ سونے سے زینت مردوں کے لئے حرام ہے جیسے سونے کی انگوٹھی، سونے کی کلائی گھڑی وغیرہ اورنمازبھی باطل ہوجاتی ہے اوربنابراحتیاط واجب یہ ہے کہ سونے کی عینک سے بھی اجتناب کریں، لیکن یہ سب چیزیں عورتوں کے لئے نماز اورنمازکے علاوہ دونوں میں جائز ہیں۔
مسئلہ ۷۶۲ : سونے کے دانت اگر آگے لگے ہیں اور اس میں زینت کا پہلو ہے تو مردوں کے لئے اشکال ہے چاہے نماز کی حالت میں ہو یا اس کے علاوہ۔ البتہ اگر مجبور ہو تو جائز ہے۔