مسئلہ ۱۹۲۸: کسی کام کے انجام دینے پر معین رقم دینے کو طے کرنے کا نام جعالہ ہے ۔ مثلا کوئی کہے: جو شخص میری گم شدہ چیز مجھے پہنجادے اس کو ہزار روپے دوں گا۔ جو شخص یہ قرارداد کرتاہے اس کو جاعل جو کام کو انجام دے اس کو عامل کہاجاتاہے۔ اجارہ اور جعالہ میں یہ فرق ہے اجارہ میں صیغہ جاری کرنے کے بعد اجیر کو عمل انجام دینا ضروری ہے اور اجارہ پر دینے والا اجیر کی اجرت کا مقروض ہوجاتا ہے لیکن جعالہ میں ضروری نہیں ہے کہ عامل اس کام کو انجام دے اور اگر شروع بھی کردیاہے تو در میان میں چھوڑسکتاہے اور جب تک کام ختم نہ کرے جاعل اس کا مقروض نہیں ہوتا۔
مسئلہ ۱۹۲۹: جعالہ معین و غیر معین شخص دوایں کے ساتھ ہوسکتا ہے۔ مثلا اگر کسی غوطہ خور سے کہے کہ میری فلاں چیز جو دریا میں ڈوب گئی ہے اگر نکال دو تو تم کہ ایک ہزار روپے دوں گا۔ یا ڈاکٹر سے کہے میرے لڑکے کا علاج کردو تو ایک ہزار روپے دوں گا۔ ان دونوں صورتوں میں جعالہ صحیح ہے۔