اس سورہ کی تلاوت کی فضیلت کے بارے میں ایک حدیث میں امام محمد باقر علیہ السلام سے آیا ہے :
” من قراٴ اٴء یت الذی یکذب بالدین فرایضہ و نووافلہ قبل اللہ صلاتہ و صیامہ، ولم یحاسبہ بما کان منہ فی الحیاة الدنیا“:
” جو شخص اس سورہ کو اپنی فریضہ نمازوں میں پڑھے گا تو ا س کے نماز و روزہ کو قبول کرے گا اور ان کاموں کے مقابلہ میں جو اس سے دنیا میں سر زد ہوئے ہیں اس کا کوئی حساب نہیں لے گا“۔ ۱
بسم اللہ الرحمن الرحیم
۱۔ ارء یتَ الذی یکذب بالدین۔ ۲۔ فذالک یدع الیتیم ۔ ۳۔ و لایحض علیٰ طعام المسکین ۔
۴۔ فویل للمصلین۔ ۵۔ الذین ھم عن صلاتھم ساھون ۔ ۶۔ الذین ھم یرآء ُ و ن ۔ ۷۔ ویمنعون الماعون ۔
ترجمہ
شروع اللہ کے نام سے جو رحمن و رحیم ہے
۱۔ کیا تونے اس شخص کو دیکھاہے ، جو ہمیشہ ہی روز ِ جزا کا انکار کرتا رہتا ہے ؟ ۲۔ وہی تو ہے ، جو یتیم کو سختی کے ساتھ دھکے دیتا ہے ۔
۳۔ اور دوسروں کو مسکین کو کھانا کھلانے کا شوق نہیں دلاتا ہے ۔ ۴۔ پس ان نماز گزاروں پر وائے ہے ، جو ۔
۵۔ اپنی نمازوں کو بھول جاتے ہیں ۔ ۶۔ وہی جو ریاکاری کرتے ہیں ۔ ۷۔ اور دوسروں کو ضروریاتِ زندگی سے باز رکھتے ہیں ۔